د غزني پوهنتون د ستراتیژیک پلان کمېټې ناسته تر سره شوه؛ او د کمپیوټر ساینس، ښوونې او روزنې پوهنځیو ستراتیژیک پلانونو ته پکې کتنه وشوه.
ورځ: شنبه
شعبان المعظم ۹مه، ۱۴۴۶ هـ.ق
سلواغې ۲۰مه، ۱۴۰۳ هـ.ش
فبروري ۸مه، ۲۰۲۵ م.
د غزني پوهنتون د ستراتیژیک پلان کمېټې ناسته د دغي کمېټې د مسوولینو په ګډون ترسره شوه؛ او د کمپيوټر ساینس، ښوونې او روزنې پوهنځيو ستراتیژیک پلانونو ته پکې کتنه وشوه.
ناسته د قران کریم د مبارکو آیتونو په تلاوت سره پرانیستل شوه.
ورپسې د غزني پوهنتون د علمي چارو مرستیال مولوي محمد حیدر حمزه د کمېټې له غړو وغوښتل چې خپلې چارې د صداقت، ایماندارۍ، او د وخت د ارزښت په پام کې نیولو سره پر مخ یوسي. نوموړي ټینګار وکړ چې د ستراتیژیک پلان عملي کېدل د پوهنتون د پرمختګ لپاره حیاتي اهمیت لري، او ټول اړخونه باید د دې تطبیق ته ژمن پاتې شي. ورورسته د ناستې ګډونوالو د پوهنتون د علمي پرمختګ، ظرفیت لوړونې، او راتلونکو پلانونو په اړه تفصیلي بحثونه وکړل. او غوښتنه یې وکړه چې دغه چاري او پریکړي پر خپل وخت تطبیق او ترسره شي.
په پای کې د اقتصاد پوهنځي استاد پوهنمل احسان الله سعید د پوهنتون تطبیقي پلان اړوند معلوماتي سیمینار وړاندې کړ، چې پکې د پلان د مؤثرې پلي کېدو، د شته خنډونو، او د حل لارو پر موضوعاتو بحث وشو.
یاده ناسته د دعایې په ویلو سره پای ته ورسېده.
د نشراتو او عامه اړیکو عمومي مدیریت
