د غزني پوهنتون استادانو او اداري کارکوونکو ته د تصمیم نیونې تر عنوان لاندې علمي او معلوماتي سیمینار وړاندې شو.
ورځ: سه شنبه
شعبان المعظم ۱۲ مه، ۱۴۴۶ هـ.ق
سلواغې ۲۳ مه، ۱۴۰۳ هـ.ش
فبروري ۱۱ مه، ۲۰۲۵ م.
نن ورځ په غزني پوهنتون کې د یاد پوهنتون د علمي چارو معاونیت له لوري استادانو او اداري کارکوونکو ته د رهبري د ودې، پراختیا مهارتونه تر سرلیک لاندې پنځه ورځني پیل شوي علمي او معلوماتي سیمینار په دوام د تصمیم نیونې اړوند هر اړخیز معلومات وړاندې شول .
د سیمینار پیل د قرآن عظیم الشآن په څو مبارکو آیتونو سره وشو.
ورپسې د علمي چارو مرستیال مولوي محمد حیدر حمزه د سیمینار ګډونوالو ته د تېرو درسونو اړوند لنډ او هر اړخیز معلومات وړاندې کړل. هغه د رهبري د ودې او پراختیا پر اهمیت، د ادارې جوړښت، او د پیاوړې ادارې د بنسټیزو اصولو په اړه تفصیلي خبرې وکړې.
ښاغلي حمزه د چمتو شوي پریزینټېشن په مرسته د قرآني آیتونو او احادیثو په رڼا کې د تصمیم نیونې موضوع ته پراخ وضاحت ورکړ. نوموړي لاندې مهم ټکي تشریح کړل:
د تصمیم نیونې تعریف او اهمیت
د تصمیم نیونې اصول او اساسي چارچوب
د تصمیم نیونې بیلابیل اقسام
او د تصمیم نیونې اړوند پوره معلومات وړاندې کړل. او د سیمینار په پای کې د ګډونوالو ته پوښتنو ته ځوابونه وویل شول.
د نشراتو او عامه اړیکو عمومي مدیریت
