غزني پوهنتون کې د مالي او اداري چارو معاونیت له لوري د پوهنځیو له رئیسانو سره په چارو کې د همغږۍ او ښه والې په موخه ناسته ترسره شوه.

غزني پوهنتون کې د مالي او اداري چارو د مرستیال الحاج شیخ عبدالهادي ذوالهادي له لورې د پوهنځیو له رئیسانو سره د همغږۍ او د چارو د لا ښه والي په موخه مهمه ناسته ترسره شوه.
د ناستې په پیل کې شیخ صاحب په کارونو کې د مشورې په اهمیت خبري وکړې او ویې ویل چې د پوهنتون د ټولو اداري او علمي واحدونو ترمنځ همغږي د بریالۍ ادارې بنسټ جوړوي، او ژمنه یې وکړه چې د ټولو کارکوونکو د اړتیاوو پوره کولو لپاره به لازمې اسانتیاوې برابرې کړي.
وروسته ګډونوالو د مالي او اداري چارو د لا ښه تنظیم، د شفافیت د پیاوړتیا، او د کاري بهیر د چټکتیا په اړه خپل نظریات او وړاندیزونه شریک کړل او د کارونو په چټکتیا او شفافیت یې ټینګار وکړ.
د ناستې په پای کې پرېکړه وشوه چې دا ډول همغږیزې غونډې به په دوامداره توګه ترسره کېږي، څو د پوهنتون د چارو کیفیت لا لوړ او د خدمتونو وړاندې کول لا اغېزمن شي.

د نشراتو او عامه اړیکو عمومي مدیریت
نېټه: پنج شنبه
۱۴۴۷هـ.ق، شوال المکرم ۲۲ مه
۱۴۰۵هـ.ش، حمل ۲۰ مه
۲۰۲۶م، اپریل ۹ مه