د غزني پوهنتون ۱۰۰ تنه محصلینو په شاو خوا کې د ویناوالۍ درسونه پیل چې یوه میاشت به دوام وکړي.

چهارشنبه: ۲۰/ربیع الثاني/۱۴۴۶ه.ق

۲/عقرب/۱۴۰۳ه.ش

۲۳/اکټوبر/۲۰۲۴م

نن ورځ د غزني پوهنتون د محصلانو چارو معاونیت له لوري د یاد پوهنتون ۱۰۰ تنو محصلینو ته د ویناوالۍ درسونه پیل شول. د دغو درسونو د پیل پرمهال د غزني پوهنتون د محصلانو چارو مرسیتال انجنیر محمد عثمان منیب د دغو درسونو پیل د پوهنتون يو نوی نوښت او لاسته راوړنه وبلله او له محصلینو څخه غوښتنه وکړه چې له دغه فرصت نه اعظمي استفاده وکړي او دغو درسونو ته پر خپل وخت حاضر شي وروسته یې د مهارتونو د زده کړي په ارزښت، د صنف په اصولو او قوانینو خبري اتري وکړي او زیاته یې کړه چې له دغو برنامو څخه یې هدف د محصلینو د خپلو مسلکي زده کړو ترڅنګ فکري وده او مسلکي رشد ده او ویې ویل چې غواړي نوري دیته ورته برنامې هم په لاره واچوي.

ورپسې د ژبو او ادبیاتو پوهنځي استاد پوهنمل محمد مصطفی صفا د ویناوالۍ په ارزښت د وینا کولو په هنر او د ویناوالۍ اړوند نورو موضوعاتو په باره کې معلومات وړاندي کړل.

د نشراتو او عامه اړیکو عمومي مدیریت